जगणे(वृध्द आजोबाचे मनोगत)

असेच आज चालताना जीवंत आहे का म्हणून बघितले
हात फेरला गालावर तेव्हा सुरुकुत्यानी मला छेडले

किती काळ लोटला असा, असाच मी जगलो
पुन्हा वळून पहिले तर कधीच होतो मेलो

अक्कलबुद्धी शहाण्याची शेवटी मला हो गावली
उपयोग काय त्याचा आता , जीवनमाला माझी सरली

प्रवास तिडका करीत करीत जगणे आमचे राहीले
जेव्हा सुचले जगण्याचे तेव्हा श्वास माझे सरले

मरताना चुकुन वाटते की
जे जगलो ते का होते जगणे
असेच होते जिणे तर का आपण हे जगलो
या प्रश्नाची उत्तर , यमच शेवटी देतो

कळते जेव्हा जगणे त्यावेळेसच तो प्राण घेतो